Connect with us

धै लगा धवड़ि लगा।

कविता

धै लगा धवड़ि लगा।

गढ़वाली कविता

हरदेव नेगी

धै लगा – धवड़ि लगा, आंदोलन की जोत जगा,
उठ्ठा ज्वानों एक जुट ह्वा, भ्रष्टाचार्यों तैं सबक सिखा,
सत्ताधार्यों तैं चितै द्यावा, अपड़ा हक्क कि लड़ै लड़ा,
धै लगा – धवड़ि लगा, आंदोलन की जोत जगा ।।

जै दिन बटी यु राज्य बणीं, भ्रष्टाचार की भैंट चड़ी
द्वी दलों की सांठ गांठ मा, घुसखोर्यों की मवसी बणीं,
तौं शहीदों कि कसम खव्वा, यूँ कि मनसा तैं रचंण ना द्या
धै लगा – धवड़ि लगा, आंदोलन की जोत जगा ।।

नौकरी- चाकरी सब बिकी छन्न, ज्वानू का सुपिन्या बगणां तन,
मिनगत करि क्या होलु जन? आयोग तैं चैंणू बल कमीशन,
दिल्ली बटी देरादूंण तक, यूँ कि कुरसी हिलै द्यावा,
धै लगा – धवड़ि लगा, आंदोलन की जोत जगा ।।

अरे कब तक यनि लाटा रौंला, कब तक यनि कांणा रौला
भौत सेलि अर भौत सुंणिली, अब अपड़ा खून मा उमाळ ल्यौंला,
चला हिटा अब खुटा पसारा, सड़क्यों मा क्रांति ल्यव्वा,
धै लगा – धवड़ि लगा, आंदोलन की जोत जगा ।।

हरदेव नेगी गुप्तकाशी(रुद्रप्रयाग)

Continue Reading
You may also like...

More in कविता

Trending News

आलेख

मोक्ष

Follow Facebook Page

About Us

उत्तराखण्ड की ताज़ा खबरों से अवगत होने हेतु संवाद सूत्र से जुड़ें तथा अपने काव्य व लेखन आदि हमें भेजने के लिए दिये गए ईमेल पर संपर्क करें!

Email: [email protected]

AUTHOR DETAILS –

Name: Deepshikha Gusain
Address: 4 Canal Road, Kaulagarh, Dehradun, Uttarakhand, India, 248001
Phone: +91 94103 17522
Email: [email protected]